Ewropayê piştgirî da Îmamoglû: Li Tirkiyeyê em li gel demokrasiyê ne
Di çarçoveya lêpirsîna ku li dijî Şaredariya Bajarê Mezin a Stenbolê hat destpêkirin de derbarê 106 kesî de biryara desteserkirinê hat dayîn û Serokê Şaredariya Bajarê Mezin a Stenbolê Ekrem Îmamoglû hat desteserkirin.
Li Ewropayê gelek şaredar û endamên Parlamentoya Ewropayê ji bo Ekrem Îmamoglû peyamên piştgiriyê weşandin.
Di peyamên piştgiriyê de weha hat gotin "Em li gel Ekrem Îmamoglû ne û her weha li Tirkiyeyê li gel demokrasiyê ne.” Di nav piştevanan de kesayetên navdar û girîng ên wekî Endamên Parlamentoya Ewropayê, Şaredarê Floransayê, Serokê berê yê Eurocities Dario Nardella û Şaredarê Romayê Roberto Gualtieri jî hene.
Derbarê Îmamoglû û gelek CHPyiyan de biryara desteserkirinê hat dayîn
Yên ku heta niha piştgirî dane Îmamoglû ev in:
Dario Nardella, Endamê Parlamentoya Ewropayê, Şaredarê Floransayê û Serokê berê yê Eurocitiesê,
Cecilia Strada, Parlamentera Ewropayê,
Federico Gianassi, Parlamenterê Îtalyayê
Brando Benifei, Endamê Parlamentoya Ewropayê
Pier Francesco Maran, Parlamenterê Ewropayê û Cîgirê berê yê Şaredarê Milanê
Roberto Speranza, Parlamenterê Îtalyayê
Şaredarê Romayê, Roberto Gualtieri
Şaredara Strasbourgê, Jeanne Barseghian
Şaredara Floransayê, Sara Funaro
Şaredarê Milanê, Giuseppe Sala
DEM Partiyê bertek nîşanî desteserkirina Ekrem Îmamoglû dan
(EMK/AY)