DEM Partiyê bertek nîşanî desteserkirina Ekrem Îmamoglû dan
Di çarçoveya lêpirsîna ku li dijî Şaredariya Bajarê Mezin a Stenbolê hat destpêkirin de derbarê 106 kesî de biryara desteserkirinê hat dayîn û Serokê Şaredariya Bajarê Mezin a Stenbolê Ekrem Îmamoglû hat desteserkirin.
Her weha bi Îmamoglû re Şaredarê Şîşliyê Resûl Emrah Şahan, Şaredarê Beylîkduzuyê Mûrat Çalik û rojnameger Îsmaîl Saymaz jî hatin desteserkirin.
Rojnameger Îsmaîl Saymaz hat desteserkirin
Serdozgeriya Komarê ya Stenbolê ragihand ku Îmamoglû ji ber îdiayên “Rêveberiya rêxistina sûc”, “endamtiya rêxistina sûc”, “îtfîkap”, “bertîl”, “şêlandina biwesf”, “daneyên şexsî bi awayekî derhiqûqî bi dest xistiye” û “di îhaleyê de hîle kiriye” hatiye binçavkirin. Di daxuyaniyê de têkildarî operasyonê agahî hatin parvekirin û ji bo Îmamoglû pênaseya “rêveberê rêxistina sûc” hat bikaranîn.
Hevserokên Giştî yên Partiya Wekhevî û Demokrasiyê ya Gelan (DEM Partî) Tulay Hatîmogûllari û Tuncer Bakirhan li ser hesabên xwe yên Xê bertek nîşan dan.
Derbarê Îmamoglû û gelek CHPyiyan de biryara desteserkirinê hat dayîn
Tulay Hatîmogullari: Em qebûl nakin
Tulay Hatîmogûllari diyar kir ku desteserkirina Îmamoglû, rojnameger û şaredarên navçeyan nayê qebûlkirin û ew red dikin.
Tulay Hatîmogûllari, desteserkirin weke operasyoneke siyasî nirxand û got ku rageşiya civakî ya li Tirkiyeyê bêhtir pêş dixe. Tulay Hatîmogûllari got: “Desteserkirina şaredarê bajarê herî mezin ê welat, şermeke mezin e ku dê neyê jibîrkirin. Bi vê operasyonê re siyaset bi destê darazê hatiye dîzaynkirin.” Tulay Hatîmogûllari xwest Îmamoglû û hemû binçavkiriyên din tavilê bên berdan.
Li Stenbolê hemû cûre meş û xwepêşandan hatin qedexekirin
Bakirhan: Êrişeke li dijî îradeya gel e
Tuncer Bakirhan jî operasyona li dijî Îmamoglû, rojnameger û şaredarên navçeyan êrişeke aşkera ya li dijî demokrasî û îradeya gel e. Bakirhan, wiha domand:
“Em vê bêhiqûqiya li dijî îradeya gel red dikin û bi tundî şermezar dikin. Tavilê ji vê rêya xwe ya xelet vegerin û rêzê ji bo îradeya gel bigirin.” Bakirhan, anî ziman ku weke DEM Partiyê ew bi îradeya gelê Stenbolê re ne û xwest Îmamoglû û binçavkiriyên tavilê bên berdan.
Kesên hatine desteserkirin ev in:
