Xelatgirên Oscarê xelatên xwe wergirtin

Xelatgirên 97emîn Xelatên Oscarê diyar bûn. Merasîma Xelatên Oscarê li Şanoya Dolbyê ya li Los Angelesa DYAyê ye hat sazkirin.

Pêşkeşkariya merasîmê komedyen Conan O’Brien kir. Stranbêja popê ya Amerîkî Ariana Grande û lîstikvan û stranbêja Îngilîstanî Cynthia Erivo di merasîmê de bi stranên xwe li ser dikê bûn.

Xelata “Fîlma Herî Baş” fîlma bi navê “Anora”yê wergirt. Xelata “Derhênerê Herî Baş” jî dan derhênerê vê fîlmê Sean Bakerî.

Lîstikvana Amerîkî Mikey Madisonê ku di fîlmê de bi karaktera "Ani" tê zanîn, xelata "Lîstikvana Herî Baş a Jin" wergirt.

Lîstikvanê Amerîkî Adrien Brody ji ber rola xwe ya di fîlma "The Brutalist" de ku di 10 beşan de weke namzed hat nîşandan, xelata "Lîstikvanê Herî Baş ê Mêr" wergirt.

Xelatên Oscarê ji sala 1929an ve ji aliyê Akademiya Huner û Zanistên Sînemayê ya Amerîkayê ve tên dayîn.

Belgefîlma Filistînê xelat wergirt

Belgefîlma bi navê "No Other Land" behsa têkoşîna Filistîniyan a li dijî polîtîkaya îmha û sirgûnê ya artêşa Îsraîlê ya li Mesafir Yatta ku Şerîeya Rojava ye, dike. Belgefîlmê di kategoriya "Belgefîlma Herî Baş" de xelat wergirt.

Derhênerên belgefîlmê Basel Adra û Yuval Abraham di axaftina xwe ya wergirtina xelatê de banga bidawîkirina "jinavbirina etnîkî" ya li dijî Filistîniyan kirin.

"No Other Land" director Basel Adra: "We call on the world to take serious actions to stop the injustice and to stop the ethnic cleansing of Palestinian people." | #Oscars pic.twitter.com/NzoqLKiBSJ

— Variety (@Variety) March 3, 2025

Abraham bal kişand ser wê yekê ku di navbera Îsraîl û Filistînê de ji bo aştiyê "rêyeke siyasî ya cuda" heye û destnîşan kir ku polîtîkayên derve yên Amerîkayê rê li ber vê yekê digire.

Listeya xelatên Oscar 2025ê wiha ye:

Filma Herî Baş:

Anora

Derhênerê Herî Baş:

Sean Baker (Anora)

Lîstikvana Herî Baş a Jin:

Mikey Madison (Anora)

Lîstikvanê Herî Baş ê Mêr:

Adrien Brody (The Brutalist)

Lîstikvana Alîkar a Herî Baş

Zoe Saldana (Emilia Perez)

Lîstikvanê Alîkar ê Herî Baş

Kieran Culkin (A Real Pain)

Senaryoya Resen a Herî Baş

Sean Baker (Anora)

Senaryoya Lêanînê (Adapte) ya Herî Baş

Peter Straughan (Conclave)

Filma Navneteweyî ya Herî Baş

I’m Still Here 

Anîmasyona Herî Baş

Flow 

Derhênerê Dîmenê yê Herî Baş

Lol Crawley (The Brutalist)

Muzîka Herî Baş

Daniel Blumberg (The Brutalist) 

Strana Herî Baş a Resen

“El Mal” (Emilia Pérez)

Dîzayna Kostuma Herî Baş

Paul Tazewell (Wicked)

Dîzayna Hilberîna Herî Baş

Nathan Crowley, Lee Sandales (Wicked)

Dîzayna Makyaj û Porê ya Herî Baş

Pierre-Olivier Persin, Stéphanie Guillon, Marilyne Scarselli (The Substance) 

Efekta Herî Baş a Dîtbarî:

Dune: Part Two

Vehûnana (Fiction) Herî Baş:

Sean Baker (Anora) 

Dengê Herî Baş:

The Zone of Interest 

Belgefîlma Herî Baş:

No Other Land

Belgefîlma Mijara Kurt a Herî Baş:

The Only Girl in the Orchestra

Fîlma Kurt a Herî Baş:

I’m Not a Robot 

(TY/AY)