Rêberê PKKê Abdullah Ocalan di 27ê Sibata 2025an de bi rêya şandeya DEM Partiyê ya Îmraliyê peyama dîrokî ya "Aştî û Civaka Demokratîk" bang li PKKê kiribû ku çekan deynin û xwe fesix bikin.

Piştî bangê PKKê di navbera 5-7ê Gulanê de kongreya xwe lidar xist û duh(12ê Gulanê) encama kongreya xwe ya 12emîn ragihand û biryara fesîxkirinê dan.

PKKê fesixkirina xwe aşkere kir

12 Gulan 2025

Têkildarî biryara PKKê gelek welatan daxuyanî dan.

Amerîka

Balyozxaneya Dewletên Yekbûyî yên Amerîkayê(DYA) ya Enqereyê têkildarî biryara PKKê got:

“Biryara xwe fesîxkirinê ya PKKê tê wateya werçerxaneke nû.”

Yekitiya Ewropayê

Yekitiya Ewropayê(YE) têkildarî biryara PKKê ya bidawîkirina têkoşîna çekdarî daxuyaniyeke fermî da û got: “Gavekî erênî ye. Divê ev firsenda dîrokî baş bê nirxandin.”

Berdevkê Têkiliyên Karên Derve ya YEyê Anouar El Anouni daxuyaniyeke fermî da û got ku biryara PKK’ê firsendeke dîrokî ye.

El Anouni destnîşan kir ku YE piştgiriyê dide pêvajoyeke aştiyê ya pêbawer ku çareseirya siyasî ya pirsgirêka Kurd hedef dike û got:

“Yekitiye Ewropayê destpêkirina pêvajoyeke aştiyê ya pêbawer ku çareseriya siyasî ya pirsgirêka Kurd hedef dike, ji bo çareseriyeke aştiyane û domdar weke gaveke erênî dibîne.”

Her weha bi domdarî El Anouni destnîşan kir ku divê hemû aliyên li Tirkiyeyê hewceye vê firsenda dîrokî baş binirxînin û got: “Bi rêya diyalogê dikare aştiyeke mayinde pêkan e.”

Iraq

Wezareta Karê Derve ya Iraqê ragihand ku ew piştgiriya biryara Kongreya 12an a PKKê ya xwe fesîxkirin û danîna çekan dikin.

Wezaret Karê Derve ya Iraqê têkildarî encamnameya Kongreya 12an a PKK’ê peyamek da. Wezaretê ragihand ku ew piştgirî didin biryara Kongreya 12’an a PKK’ê ya xwe fesîxkirin û danîna çekan dikin.

Wezaretê anî ziman ku ev biryar ji bo dawîkirina şerê demdirêj ê bi salan li ser milê gelê herêmê û hewldanê aştiyê bûye asteng fersendek rast be.

Wezaretê destnîşan kir ku ev biryar heman demê wê bibe ku careke din heyîna hêzên biyanî yên li ser axa Iraqê bên nirxandin.

Wezaretê anî ziman ku ew piştgiriya hemû hewldanên aştî û ewlekariyê dikin.

Almanya

Berdevka Polîtîkayên Navxweyî a Partiya Kesk a Almanyayê Lamya Kaddor jî anî ziman ku bidawîkirina pevçûnan ne tenê ji bo Tirkiyeyê, hêviya tevahiya herêmê zêde kiriye.

Lamya Kaddor diyar kir ku bidawîbûna şerê ku 40 hezar kesan jiyana xwe ji dest dane, ji bo Kurd li Tirkiyeyê bêhtir mafan bi dest bixin firsendekî pêşkeş dike.

(AY)