Şaredarê Beykozê Alaattin Koseler û 12 wezîfedar hatin girtin
Dadweriya Cezê û Aştiyê ya Beykozê şaredarê Beykozê Alaattin Koseler jî di nav de derbarê 13 kesan de biryara girtinê da.
5 kes jî bi daxwaza girtinê hatin sewqkirin lê serbest bûn.
Di çarçoveya lêpirsîna ku ji aliyê Serdozgeriya Komarî ya Beykozê ve bi tohmeta ku "sextekarî di îhaleyan de kirine" hatibû destpêkirin de ji bilî Koseler pênc roj berê 5 wezîfedarên şaredariyê û 15 rayedarên fîrmayan hatibûn desteserkirin.
Koseler û 20 kesên ku li Rêvebiriya Emniyetê a li Kolana Vatanê desteserkirî ne, duh sibehê piştî kontrola tenduristiyê sewqî Edliyeya Beykozê hatin kirin.
Şaredarê Beykozê Alaattin Koseler hat desteserkirin
Koseler û 18 kesên ku danê nîvro îfadeyên wan li dozgeriyê hatin girtin, bi daxwaza girtinê sewqî Dadgeha Cezê û Aştiyê ya Beykozê hatin kirin. Serdozgeriyê xwest kesên din bi şertê kontrola edlî werin berdan.
13 kesên ku di nav wan de şaredar Alaattîn Koseler jî heye hatin girtin, 5 kes jî bi şertê kontrola edlî hatin berdan.
(AEK/AY)