Li Şirnexê 7 herêm ji bo 15 rojan hatin qedexekirin

Walîtiya Şirnexê, Herêma Besta, Çiyayên Cûdî û Gabar di nav de 7 herêm weke “herêma ewlehiyê ya taybet a demkî” ragihandin û ketin û derketina wan qedexe kir.

Walîtiyê di daxuyaniya xwe de diyar kir ku qedexe ji bo “parastina ewlehiya neteweyî, aramiya giştî, rêgirtina li ber tawanan û her rûdaneke neyînî û parastina maf û azadiya kesên din” hatiye ragihandin.

Her weha walîtiya Şirnexê, herêmên Besta Cûdî, Gabar, Besta, Kato, Feraşîn, Dûlê û Kela Memê di nav de gelek herêmên girêdayî navenda Şirnexê û navçeyên wê yên Silopiya, Cizîr, Basa, Qileban û Elkê ji bo 15 rojan weke “herêma ewlehiyê ya taybet a demkî” ragihand û ketin û derketina wan qedexe kir.

Qedexe di 14ê Çiriya Pêşiyê de dest pê dike wê di 28ê Çiriya Pêşiyê de bi dawî bibe.