Fezlekeya Semra Guzelê şandine Meclîsê

Fezlekeya ku derbarê Semra Guzel, Parlamentera HDPê de hatibû amadekirin, şandine Serokatiya Meclîsê. 

Derbarê Semra Guzel, Parlamentera Partiya Demokratîk a Gelan (HDP) a Amedê de fezleke hatibû amadekirin. Fezleke duh ji Wezareta Dadê şandibûn Serokkomariyê û îro jî şandine Serokatiya Meclîsê. 

Bixwîne- Serokê Meclîsê Şentop: "Divê parêzbendiya Semra Guzelê bê rakirin"

Fezleke bi îdiaya ku Guzel “endama rêxistinê ye” hatiye amadekirin û wê bişînin Komîsyona Destûra Bingehîn û Edaletê jî. Tê çaverêkirin ku Komîsyon li ser fezlekeyê nêrînê xwe diyar bike û pişt re jî bişînin Desteya Giştî ya Meclîsê. Li Desteya Giştî biryara rakirina parêzbendiya Guzelê were dayîn dê rê li ber darizandina wê bê vekirin. 

(AY)

*Çavkanî: Ajansa Mezopotamyayê