ŞAREDARİYÊN CHPÊ
Di lêpirsîna “Lihevkirina Bajarî” de 10 kes hatin girtin
Di çarçoveya lêpirsîna Serdozgeriya Komarî ya Stenbolê de di 11ê Sibatê de 10 kes hatibûn desteserkirin. Duh her 10 kes jî hatin girtin.
10 kes jî bi îdiaya ku bi fermana rêxistinê bûne endamên meclîsa şaredariyê, hatin girtin.
Di çarçoveya lêpirsîna li dijî 9 şaredariyên CHPê yên Stenbolê de endamê Meclîsa Şaredariya Ûskûrdarê Bulent Kaygun, endama Meclîsa Şaredariya Fatîhê Guzin Alparslan, Alîkara Şaredarê Ataşehîrê Livan Gûr, Alîkarê Şaredarê Kartalê Cemalettîn Yuksel, endamê Meclîsa Şaredariya Sancaktepeyê Elif Gul, endamê Meclisa Şaredariya Şişliyê Sinan Gokçe, endamê Meclîsa Şaredariya Tuzlayê Hasan Ozdemîr, endamê Meclîsa Şaredariya Beyogluyê Turabî Şen, endamê Meclîsa Şaredariya Adalarê Nesîmî Aday, kesê bi navê Î.P. ku hatiye diyarkirin ku têkiliya wî bi Şaredariya Beyoglûyê re heye piştî karên li dozgeriyê bi dawî bûn, ji bo girtinê hatin sewqkirin. Dadgeha Cezê û Aştiyê ya nobedar biryara girtina hemûyan da.
